Hvalaskoðun og skemmtisiglingar frá Reykjavíkurhöfn

Í gær fórum við með farþegana okkar til Grindavíkur þar sem aðstæður í Faxaflóa hafa ekki verið þær bestu uppá síðkastið. Okkur til mikillar ánægju var ferðin algjörlega frábær og mikið líf er fyrir utan Grindavík núna. Í ferðinni í gær sáust tvær steypireyðar mjög nálægt bátnum, auk höfrunga og hnísa. Blástrar frá fleiri stórhvelum sáust einnig í fjarlægð. 

Við munum halda áfram að sigla frá Grindavík næstu 2-3 daga eða á meðan aðstæður eru hagstæðar til siglinga þaðan. Þegar við siglum frá Grindavík lengist heildartími ferðarinnar sem nemur akstrinum fram og tilbaka. Verðið er áfram það sama og okkur finnst þessi auka tíma alveg þess virði :) Brottför er kl 13:00 frá miðasölu Eldingar við Gömlu höfnina í Reykjavík.

Myndir teknar af Megan Whittaker í ferðinni 4. október 2011.

Einnig er komið inn myndband úr ferðinni á Youtube og Facebook síðuna okkar.