Á íslenskum hafsvæðum er mögulegt að rekast á yfir 20 tegundir hvala en þá erum við að tala um íslenska landgrunnið sem nær yfir kalda hafið norður af landinu og eins hlýrri sjó í hafinu suður af landinu. Eins spila hafstraumar mikið inn í lífríkið sem og framboð fæðu.
Í ferðum Eldingar frá Reykjavik sjáum við aðallega hrefnur, höfrunga , hnýsur og hnúfubaka. Það kemur þó fyrir að við sjáum háhyrninga, sandreyði og langreyði. Aðrir hvalir sjást mjög sjaldan.
Við leggjum mikið upp úr að leiðsögnin á bátunum okkar sé fyrsta flokks. Leiðsögn í ferðunum hefur verið skipulögð af Janine Eaton og Einari Erni Einarssyni. Leiðsögumenn okkar eru ýmist íslenskir eða erlendir og hafa allir reynslu að baki, hvort sem er í hvalaskoðun eða annarri leiðsögn.
